الفرق بين Hermès الاصلية و التقليد

طبعا الله يخلي الصين اللي خلت شي ما قلدته والغش التجاري اللي بالمحلات زاد ايبون درجه اولى على بو ان اصلي ويمشي بضاعته  واللي يحرج انج تكونين قاطه دم قلبج على الجنطه وتلاقين يمج قاعده وحده عندها اخت جنطتج بس تقليد والمشكله لا قعدت اتفلسف وااااااااااااااااااااااااااااااااااااااااااااااااااااااااااااااااااااااااااااااااااااااااااااااي ...
المهم ما ابي اطول عليكم عندكم Hermes Birkin Bag اكثر شي تم تقليده عشان تعرفين الفرق لازم تنتبهين حق الشغلات اللي بقولها

 

الاصليه

                                 
                                                                              التقليد

 ال birkin تيي بالوان وايده المظهر العام لها الجنطه ماسكه نفسها ما يبيله تترسينها اوراق عشان تحصلين على الشكل عكس التقليد اذا فاهمين قصدي.والمسكه مالتها تيي مستقيمه  مثل الصوره ويكون مع الجنطه poket و مفتاحين صغار طالعين من المسكه يسمونهم clochette 

|بالتقليد مرات المفاتيح ما تكون موجوده .

اذا بطلنا الجنطه بنلاقي على ال straps ملوتها كود  لكن محفور بطريقه حراريه التقليد ما فيها الكود هذا 

اللي يخلي Hermes غاليه نوعيه الجلد المستخدم ( غزال - تمساح - نعامه - العجل ) 

لازم انلاقي هالجمله Hermes Paris Made In France يا بالفضي او الذهبي فوق القفل على طول مثل الصورتين االلي فوق 

شوفو التقليد شلون الطباعه مو واضحه 

انلاحظ دايما بالاصليه ان الخيط المستخدم نايلون مشمع وان الغرز متساويه ومستقيمه ما فيها مشاكل مثل الصوره اللي فوق 

هذي التقليد نلاحظ شلون في مشكله بنهاية الغرز وبعضها فوق بعض 

نلاحظ ان حفرة Hermes- Paris تكون خفيفه و الاحرف مو Bold بتلاحظون الحين لمه تشوفون التقليد تحت وبتلاحظون بعد ان الاصليه دايما الحديد اللي فيها يكون يا ذهبي او فضي وفي لمعه لدرجه انها تعكس الاشياء

لازم يكون رقم القفل نفس الرقم اللي على المفتاح والمتريل اللي مصنوعين منه ما يتغير ولا يتخدش ويعكس ,كلمه Hermes محفوره مثل ما احنا شايفين ونفس الشي الالوان اللي ايي فيهم يا فضي او ذهبي .

مرات من المفتاح و القفل نقدر نطلع الجنطه تقليد 

الاصلي 

التقليد 

اتمنى يكون عجبكم الموضوع لا تحرمونا من تعليقاتكم و اللي  يعرف اكثر يفيدنا